Albert sem er fæddur 1997 gekk í raðir Heerenveen í Hollandi í fyrra og hefur verið að gera góða hluti með unglingaliði félagsins. Hjá Heerenveen er vaninn að spila mikið á leikmönnum sem koma upp úr unglingastarfinu.

Arsenal, Celtic, Hoffenheim og FC Kaupmannahöfn voru meðal félaga sem höfðu áhuga á að fá Albert eins og fram kemur í viðtalinu en á endanum varð Heerenveen fyrir valinu.

„Mér finnst það mikill kostur að komast sem fyrst í aðalliðið. Hjá stærri klúbbum er manni kannski lofað gulli og grænum skógum en fær það ekki. Þannig virkar þetta bara," segir Albert en viðtalið má sjá hér að neðan.

„Við þurfum að setja markmiðin hátt er það ekki?"