Feyenoord endaði í neðsta sæti F riðils í Meistaradeildinni
Það lið sem vinnur hollensku úrvalsdeildina í knattspyrnu í ár fær ekki öruggt sæti í Meistaradeildinni á næsta tímabili. Þetta er í fyrsta skipti í sögu Meistaradeildar Evrópu sem hollenskir meistarar munu ekki fá sæti í deildinni.
Núverandi meistarar í Feyenoord enduðu í neðsta sæti í riðli sínum í Meistaradeildinni í vetur en liðið var með Manchester City, Shaktar Donetsk og Napoli í riðli.
Þá lenti Vitesse Arnheim einnig í neðsta sæti í sínum riðli í Evrópudeildinni. Samkvæmt nýjum styrkleikalista UEFA er hollenska deildin einungis sú 12. besta í Evrópu.
Hollenska landsliðið verður ekki með á Heimsmeistaramótinu í Rússlandi næsta sumar og komust ekki heldur á Evrópumótið árið 2016.
Hollenskt lið hefur ekki unnið Evrópubikar frá árinu 2002 þegar Feyenoord sigraði Borussia Dortmund í úrslitaleik Evrópudeildarinnar sem var þá UEFA bikarsinn.
Ajax komust í úrslitaleik Evrópudeildarinnar á síðasta en töpuðu fyrir Manchester United og komust ekki í riðlakeppni Meistaradeildarinnar á þessu tímabili.
Athugasemdir
