Jón Dagur Þorsteinsson hefur vakið athygli fyrir frammistöðu sína með U23 ára liði Fulham að undanförnu.

Hann hefur verið iðinn við kolann og skorað nokkur mörk, og þá er ekki verið að tala um "línupotsmörk".

Jón Dagur var á skotskónum í gærkvöldi þegar varalið Fulham gerði 1-1 jafntefli gegn Brighton í hörkuleik.

Markið sem Jón Dagur skoraði var einstaklega glæsilegt. Hann fékk boltann vinstra megin, sótti yfir á hægri fótinn og svoleiðis smellti boltanum í fjærhornið. Markvörður Brighton átti enga möguleika.