Ronaldo var valinn besti leikmaður í heimi á fimmtudag og hann ákvað því að halda upp á veislu á Santiago Bernabeu í dag.

Hann skoraði tvö mörk þegar Real Madrid valtaði yfir Sevilla í spænsku úrvalsdeildinni. Þetta var kærkomið fyrir Ronaldo sem hefur skorað lítið á tímabilinu á Spáni.

Real Madrid er eftir þennan sigur með 31 stig, fimm stigum á eftir Barcelona sem á leik til góða.

Fyrr í dag gerðu Getafe og Eibar markalaust jafntefli. Joan Jordan, leikmaður Eibar, klikkaði á vítapunktinum á 54. mínútu.