Heimild: Liverpool
Miðaverð á heimaleiki Liverpool mun ekki hækka á næstu leiktíð eins og fyrirhugað var.
Eigendur félagsins sendu frá sér tilkynningu á heimasíðu Liverpool nú rétt í þessu þar sem greint er frá því að dýrustu miðarnir muni áfram kosta 59 pund en ekki 77 pund.
Þá munu ársmiðarnir ekki heldur hækka í verði.
Stuðningsmenn félagsins efndu til mótmæla um síðustu helgi vegna áforma eigendanna um að hækka miðaverðið og það virðist hafa náð til æðstu manna Liverpool.
Í yfirlýsingunni biðjast eigendur félagsins einnig afsökunar á þeim óþægindum sem fréttir um fyrirhugaða hækkun hafi valdið.
Athugasemdir