Birkir var svekktur með úrslit dagsins.
Birkir Bjarnason, kantmaður íslenska landsliðsins, var að vonum svekktur eftir 2-2 jafntefli Íslands gegn Lettlandi í undankeppni EM 2016 á Laugardalsvelli í dag.
Ísland byrjaði leikinn frábærlega og komst í 2-0, en í seinni hálfleik skoruðu gestirnir snemma og náðu síðan að jafna metin. Urðu lokatölur 2-2.
Birkir segist ekki átta sig á því í fljótu bragði hvað fór úrskeiðis, en að það verði skoðað.
Ísland byrjaði leikinn frábærlega og komst í 2-0, en í seinni hálfleik skoruðu gestirnir snemma og náðu síðan að jafna metin. Urðu lokatölur 2-2.
Birkir segist ekki átta sig á því í fljótu bragði hvað fór úrskeiðis, en að það verði skoðað.
Lestu um leikinn: Ísland 2 - 2 Lettland
„Það er góð spurning, það er erfitt að segja. Við byrjum rosalega vel og vorum að spila mjög góðan sóknarbolta og vorum aggresívir allan fyrri hálfleikinn. Það er mjög erfitt að segja hvað gerðist, við verðum að kíkja á tape-ið og sjá hvað gerðist," sagði Birkir.
„Við viljum vinna þennan riðil og til þess þurfum við að vinna þessa leiki, sérstaklega á móti þessu liði í dag. En aftur á móti voru þeir bara mjög fínir í seinni hálfleik í dag og við ekki nógu góðir. Svona gerist stundum," segir Birkir, sem segir að menn hafi ekki litið á leik dagsins sem neinn vináttuleik þó þeir væru komnir á EM.
„Alls ekki, við viljum vinna þennan riðil og þú sást það alveg í fyrri hálfleik að við komum út á 100 og vorum að spila frábæran fótbolta."
Athugasemdir
