Aubameyang er ekki sáttur með appelsínusafann í Marokkó.
Pierre-Emerick Aubameyang, skærasta stjarna Gabon, og Jose Antonio Camacho þjálfari liðsins vilja meina að appelsínusafi hafi skemmt fyrir liðinu fyrir 3-0 tap gegn Marokkó í undankeppni um HM. Gabon er úr leik í baráttunni um sæti á HM eftir þessi úrslit.
Aubameyang setti færslu á Twitter í dag þar sem hann gaf í skyn að leikmenn og starfslið Gabon hafi verið að glíma við magavandamál eftir að hafa drukkið appelsínusafa í Marokkó.
Aubameyang setti færslu á Twitter í dag þar sem hann gaf í skyn að leikmenn og starfslið Gabon hafi verið að glíma við magavandamál eftir að hafa drukkið appelsínusafa í Marokkó.
Camacho tekur undir þetta en hann varð sjálfur fyrir magatruflunum.
„Við teljum að þetta hafi verið appelsínusafi því að þeir sem fengu sér ekki safa voru í fínu lagi. Ég fékk mér bara smá sopa en ég var samt í rúminu og á klósettinu allan morguninn á leikdegi," sagði Camacho.
„Helmingurinn af liðinu og starfsliðinu fann fyrir magaverkjum og niðurgang á leikdegi. Þeir voru alltaf að fara á klósettið. Það er skrýtið að þetta hafi gerst á leikdegi en þetta er raunveruleikinn."
Spánverjinn reyndi Jose Antonio Camacho er þjálfari Gabon.
Athugasemdir
