Paul Pogba, leikmaður Juventus á Ítalíu, telur að liðið geti farið langt í Meistaradeild Evrópu eftir að það tryggði sér sæti í 16-liða úrslitum í gær.
Juventus gerði í gær markalaust jafntefli við Atletico Madrid í síðasta leik riðilsins en með sigri hefði liðið getað unnið riðilinn.
Markalaust jafntefli var þó nóg og endaði liðið í öðru sæti og því komið áfram í 16-liða úrslitin.
Gengi Juventus í Meistaradeildinni undanfarin ár hefur ekki verið sérstakt en Pogba telur að liðið eigi góða möguleika í ár.
,,Við vitum að liðið okkar getur komist langt en við verðum að gefa enn meira í leikina því þetta verða ekki auðveldir leikir," sagði Pogba.
,,Atletico er með sterkt lið en við spiluðum og sýndum mikinn karakter gegn liði sem komst í úrslitaleikinn á síðustu leiktíð," sagði hann að lokum.
Athugasemdir
