Fjórir leikir fóru fram í 16-liða úrslitum spænska konungsbikarsins í kvöld.
Þrír leikir hófust klukkan 18:00.
Alcorcón fór áfram eftir útisigur á Córdoba og Villareal gerði jafntefli við Real Sociedad. Real Sociedad sigraði fyrri leik liðanna 3-1 og fer því áfram. Þá fór Alavés áfram á útivallamörkum gegn Deportivo La Coruna.
Stórleikur kvöldsins fór fram í Barcelona þar sem heimamenn tóku á móti Athletic Bilbao. Bilbao sigraði fyrri leikinn 2-1 og þurftu því Barcelona að sigra leikinn í kvöld.
Það leit út fyrir heimamenn þegar Luis Suarez kom þeim yfir á 36. mínútu, hans 100. mark í 120 leikjum, geri aðrir betur!
Neymar bætti við forystuna úr vítaspyrnu á 47. mínútu en Bilbao minnkaði muninn fjórum mínútum síðar og því allt jafnt í einvíginu.
Það var svo enginn annar en Lionel Messi sem skoraði þriðja mark Barcelona á 77. mínútu og tryggði þar með Barcelona áfram í 8-liða úrslit. Lokatölur 3-1.
16-liða úrslitin klárast á morgun með þremur leikjum.
Athugasemdir