Unnur Ýr Haraldsdóttir kom ÍA yfir gegn Tindastól í Faxaflóamótinu í dag.

Stólarnir héldu vel í Skagastelpur þar til undir lokin þegar Fríða Halldórsdóttir tvöfaldaði forystuna áður en Maren Leósdóttir gerði útaf við leikinn með tvennu á lokamínútunum.

Sigurinn fleytir ÍA á toppi B-riðils þar sem liðið trónir fyrir ofan Hauka á markatölu eftir jafntefli innbyrðis.

Tindastóll er með þrjú stig eftir þrjá leiki og mætir Keflavík í lokaumferðinni, þar sem liðin berjast um 3. sætið.