Eddie Howe er ánægður með sína menn í Bournemouth þrátt fyrir 4-1 tap á heimavelli gegn Tottenham.
Heimamenn voru öflugir í leiknum og fengu góð færi en náðu aðeins að skora eitt mark, þegar Junior Stanislas kom þeim yfir á sjöundu mínútu.
Heimamenn voru öflugir í leiknum og fengu góð færi en náðu aðeins að skora eitt mark, þegar Junior Stanislas kom þeim yfir á sjöundu mínútu.
Gestirnir frá London komust yfir í síðari hálfleik og var leikurinn spennandi þar til á síðustu mínútunum, þegar þriðja mark Tottenham leit dagsins ljós.
„Við vorum samkeppnishæfir og lögðum okkur alla í verkefnið. Við vorum sprelllifandi þrátt fyrir að vera undir, allt þar til á síðustu mínútunum," sagði Howe við Sky Sports.
„Við byrjuðum mjög vel en Tottenham er með mikil gæði í liðinu. Leikmenn þeirra eiga hrós skilið fyrir hvernig þeir brugðust við því að lenda undir á útivelli.
„Við gáfum þeim erfiðan leik, við létum þá hafa fyrir sigrinum. Þeir þurftu að spila uppá sitt besta til að vinna okkur."
Bournemouth á gífurlega mikilvægan leik við botnlið West Brom næsta laugardag.
Athugasemdir
