Harry Kane er ekki eina markamaskína ensku úrvalsdeildarinnar sem verður frá í næstu leikjum vegna meiðsla.
Sergio Aguero var að tilkynna það á Twitter að hann verði frá í um tvær vikur vegna hnémeiðsla.
Sergio Aguero var að tilkynna það á Twitter að hann verði frá í um tvær vikur vegna hnémeiðsla.
Kane meiddist á ökkla enn eina ferðina er Tottenham heimsótti Bournemouth í dag.
Vandamál Aguero liggur í vinstra hnénu, en hann meiddist á æfingu Manchester City á laugardaginn.
Man City heimsækir Stoke í síðasta leik 30. umferðar ensku úrvalsdeildarinnar.
Kane og Aguero eru meðal markahæstu manna deildarinnar. Kane er með 24 mörk og 2 stoðsendingar á meðan Aguero er búinn að gera 21 mark og eiga 6 stoðsendingar.
Mögulegt er að sóknarmennirnir verði klárir í slaginn fyrir næstu umferð úrvalsdeildarinnar, síðustu helgina í mars eftir landsleikjahlé.
Athugasemdir