---

Mesut Özil (28) verður líklega áfram hjá Arsenal þar sem ekkert annað félag er til í að uppfylla launakröfur hans upp á 330 þúsund pund á viku. (Sun)

Jack Wilshere (25) er hins vegar að íhuga að fara frá Arsenal til að eiga meiri möguleika á sæti í landsliðshópi Englands á HM. (Times)

Danny Rose (27) bakvörður Tottenham vill fara til Manchester United. Chelsea vill líka fá Rose en sjálfur vill hann starfa með Jose Mourinho. (Daily Star)

Real Madrid er tilbúið að bjóða Luka Modric (32), Gareth Bale (28) eða Karim Benzema (29) sem hluta af kaupverði fyrir Harry Kane (24). (Daily Star)

Real Madrid myndi íhuga að selja Bale til Manchester United á 85 milljónir punda en það er verðið sem hann kom til Real frá Tottenham á sínum tíma. (Metro)

PSG er að undirbúa 90 milljóna punda tilboð í N'Golo Kante (26) miðjumann Chelsea. (Daily Mirror)

David Silva (31) er að ganga frá nýjum samningi við Manchester City. (Daily Mail)

Manchester City ætlar að reyna að fá Alexis Sanchez í sínar raðir í janúar frá Arsenal. Leikmenn Arsenal telja að Alexis sé á förum í janúar. (Telegraph)

Ítalska knattspyrnusambandið ætlar að reyna að fá Antonio Conte, stjóra Chelsea, til að taka aftur við sem landsliðsþjálfari eftir HM. (Daily Express)

Harry Winks (21), miðjumaður Tottenham, er að fá nýjan samning sem tvöfaldar laun hans. Winks mun fara upp í 40 þúsund pund í laun á viku. (Times)

Leicester vill ennþá fá Andros Townsend kantmann Crystal Palace. (Daily Mirror)

Anthony Martial (21) segist vera ánægður í herbúðum Manchester United en hann hefur verið orðaður við Arsenal. (Manchester Evening News)

Karl-Heinz Riedle, fyrrum framherji þýska landsliðsins, segir að Mesut Özil ætti að hafna tilboði frá Manchester United. (Metro)

Inter og Juventus eru að íhuga tilboð í Olivier Giroud (31) framherja Arsenal. (Daily Express)

Oscar (26), fyrrum leikmaður Chelsea, vill fara frá Shanghai SIPG í Kína og aftur til Evrópu (Talksport)

Gary Hooper (29), framherji Sheffield Wednesday, er á óskalista Brighton, WBA og Crystal Palace. (Sun)

Manchester United er að reyna að fá Alvaro Garcia (24) miðjumann Cadiz í spænsku B-deildinni. (Daily Express)

Shay Given (41) er í leit að nýju félagi en þessi reyndi markvörður hefur verið án félags síðan hann fór frá Stoke í sumar. (Talksport)