Slúðurpakkinn er í styttri kantinum í dag enda félagaskipatglugginn lokaður.
Toby Alderweireld (28) varnarmaður Tottenham, fer ekki með liðinu til Ítalíu í leikinn gegn Juventus í 16-liða úrslitum Meistaradeildarinnar. Framtíð Alderweireld hjá Tottenham er í óvissu. (Telegraph)
Fernando Llorente (32) framherji Tottenham segist sakna Juventus en hann spilaði þar áður en hann kom í ensku úrvalsdeildnia. (Mirror)
Antonio Conte, stjóri Chelsea, segir að sögusagnir um framtíð sína hafi ekki áhrif á leikmenn. (Sky Sports)
Jose Mourinho, stjóri Manchester United, er staðráðinn í að hafa betur gegn Manchester City í baráttunni um Isco miðjumann Real Madrid. (Star)
Riyad Mahrez, kantmaður Leicester, hélt fund með leikmönnum liðsins til að hreinsa andrúmsloftið eftir að hafa ekki mætt á æfingar í tíu daga. (Leicester Mercury)
Marcelo, bakvörður Real Madrid, er viss um að Neymar muni koma til félagsins frá PSG í framtíðinni. (Marca)
Alan Pardew, stjóri WBA, er á leið til Spánar með sína menn til að reyna að þjappa hópnum saman fyrir fallbaráttuna sem er framundan. (Telegraph)
Vincent Kompany, fyrirliði Manchester City, mun taka á móti bikarnum fyrir sigur í ensku úrvalsdeildinni þrátt fyrir að hann hafi lítið spilað í vetur vegna meiðsla. (Manchester Evening News)
David Sullivan, annar af eigendum West Ham, vill að stuðningsmenn standi með félaginu. Sullivan segir að West Ham ætli að taka allt í gegn í kringum það hvernig nýir leikmenn eru fundnir. (Evening Standard)
Athugasemdir