Ekkert lát er á áhuga erlendra fjölmiðla á íslenska landsliðinu í fótbolta og fulltrúar frá BBC, Sky Sports, franska blaðinu L'Equipe og fleiri fjölmiðlum eru mættir til Belgíu til að fylgjast
með vináttuleiknum gegn heimamönnum í kvöld.
Ashish Sharma mætti til Belgíu í byrjun vikunnar til að taka viðtal við Gylfa Þór Sigurðsson sem verður hægt að nálgast á útvarpsformi á síðu BBC World Service.
með vináttuleiknum gegn heimamönnum í kvöld.
Ashish Sharma mætti til Belgíu í byrjun vikunnar til að taka viðtal við Gylfa Þór Sigurðsson sem verður hægt að nálgast á útvarpsformi á síðu BBC World Service.
,,Við áttum gott 15-20 mínútna spjall. Hann er frábær náungi og hann hafði áhugaverða hluti að segja um Ísland,“ sagði Ashish við Fótbolta.net í gær.
,,Hann er frábær leikmaður. Hann er klókur leikmaður og sér sendingarleðiir. Hann skorar líka mörk og markið hans gegn Arsenal um helgina var frábært. Hann er í topp formi og sjálfstraustið er komið aftur eftir vonbrigðin hjá Spurs.“
Ashish hefur eins og margir aðrir hrifist af íslenska liðinu í byrjun undankeppni EM.
,,Íslenska liðið spilar af sjálfstrausti og skipulagið er gott. Það er erfitt að brjóta liðið á bak aftur og það getur skorað líka. Íslenska liðið er ekki að vinna leik með einu marki heldur eru sigrarnir sannfærandi. Þið eigið frábæra möguleika á að komast áfram," sagði Ashish sem reiknar með að Ísland nái að tryggja sér sæti á EM í Frakklandi.
,,Já, ég held það. Holland er auðvitað stærsta liðið í riðlinum. Tyrkir hafa ekki náð sér á strik í langan tíma og Tékkar hafa verið upp og niður. Ísland mun líklega taka 2. sætið á eftir Hollendingum sem munu líklega ná 1. sætinu á endanum.“
Ashish segist hrífast sérstaklega af liðsheildinni í íslenska liðinu. ,,Ísland treystir ekki á stjörnuleikmenn. Þið hafið ykkar eigin David Beckham en þetta er lið. Við sjáum alltaf súperstjörnur eins og Ronaldo og Messi en eru Portúgal og Argentína að vinna? Nei. Það eru liðin sem vinna og í augnablikinu er formúlan ykkar uppskrift að sigurliði,“ sagði Ashish en viðtalið í heild má sjá hér að ofan.
Athugasemdir