Víðir frá Garði hefur náð samkomulagi við Magnús Þóri Matthíasson og Unnar Má Unnarsson en þeir koma báðir frá Keflavík.
Magnús Þórir er uppalinn í Garðinum en hann á 129 deildarleiki með Keflavík þar sem hann hefur skorað 18 mörk. Þessi fjölhæfi leikmaður á einnig eitt tímabil með Fylki að baki.
Unnar er 23 ára varnarmaður og uppalinn í Keflavík en hann 17 leiki með Keflavík í efstu deild.
Það má búast við að leikmennirnir verði mikil styrking fyrir Víðismenn sem höfnuðu í 2. sæti 3. deildar karla í fyrra og leika því í 2. deild komandi sumar.
Athugasemdir