Henrikh Mkhitaryan, leikmaður Manchester United, hefur verið verðlaunaður fyrir mark desember mánaðar í ensku úrvalsdeildinni.

Mkhitaryan skoraði með mögnuðu sporðdrekasparki í 3-1 sigri á Sunderland á öðrum degi jóla.

Eftir leik sagði Mkhitaryan að þetta væri flottasta mark sem hann hefði skorað á ferlinum.

Olivier Giroud, framherji Arsenal, skoraði nokkuð líkt mark í sigri á Crystal Palace en sá leikur var 2. janúar. Giroud á eftir að gera sterkt tilkall til að fá verðlaun fyrir mark mánaðarins í janúar.

Hér að neðan má sjá markið.