Ísland heimsækir Tyrkland á Torku Arena í Konya klukkan 18:45 að íslenskum tíma í lokaleik undankeppni EM 2016.

Byrjunarlið Íslands liggur nú fyrir og má sjá það hér að neðan. Fyrirliðinn Aron Einar Gunnarsson kemur vitanlega aftur inn á miðjuna eftir að hafa afplánað leikbann í 2-2 jafnteflinu gegn Lettlandi síðastliðinn laugardag.

Ögmundur Kristinsson kemur í markið í fjarveru Hannesar Þórs Halldórssonar, sem meiddist illa á æfingu á sunnudag. Ögmundur hefur verið að gera frábæra hluti með Hammarby í Svíþjóð og verður forvitnilegt að sjá hvernig hann nýtir tækifærið.

Þá er Jón Daði Böðvarsson kominn fram í stað Alfreðs Finnbogasonar. Byrjunarliðið er því alveg eins og Fótbolti.net spáði fyrr í dag.

Smelltu hér til að fara í beina textalýsingu