Gary Neville, sérfræðingur hjá Sky, segir að Anthony Martial geti orðið stjarna hjá Manchester United.
Hinn 21 árs gamli Martial hefur lítið spilað undanfarnar vikur. Hann fékk hins vegar sénsinn í byrjunarliðinu gegn Watford um helgina og þakkaði fyrir sig með marki og stoðsendingu.
„Hann stóð sig virkilega vel. Þetta var góð byrjun hjá honum ef við horfum á það sem eftir er tímabils," sagði Neville.
„United á marga leiki eftir á tímabilinu. Hann á eftir að fá að spila og stuðningsmennirnir eiga eftir að elska hann."
„Stjórinn hefur gefið honum sénsinn. Gríptu tækifærið. Félagið getur orðið það besta í heimi fyrir þig til að spjla hjá og þú getur orðið stjarna. Ég held að hann verði að átta sig á því."
Athugasemdir