Ásgeir Helgi Orrason er búinn að framlengja samning sinn við Breiðablik og verður hjá félaginu næstu fjögur árin, eða út keppnistímabilið 2027.
Ásgeir Helgi er aðeins 18 ára gamall en hann verður 19 ára í maí og þykir gríðarlega mikið efni.
Hann tók þátt í fimm leikjum í Bestu deildinni í fyrra og skoraði eitt mark, en auk þess á hann átta leiki að baki fyrir yngri landslið Íslands. Hann er partur af sterku U19 landsliði sem stendur.
Ásgeir er uppalinn hjá Breiðablik og hefur í heildina spilað 12 KSÍ-leiki fyrir meistaraflokk.
Athugasemdir