„Ég átti ekki til orð þegar þeir skoruðu. Ég er fáránlega svekktur," sagði Hólmbert Aron Friðjónsson, sóknarmaður íslenska U21-landsliðsins, eftir 1-1 jantefli gegn Dönum á Laugardalsvelli.
Danmörk skoraði seint í leiknum en Ísland jafnaði úr víti í uppbótartíma. Það var of seint og Danir fóru áfram á útivallarmarki.
Danmörk skoraði seint í leiknum en Ísland jafnaði úr víti í uppbótartíma. Það var of seint og Danir fóru áfram á útivallarmarki.
„Það var ömurlegt að fá þetta mark á sig. Þetta var klaufalegt og svona á ekki að gerast. Leikurinn hefði getað endað með okkar sigri og þetta er mjög svekkjandi."
Hólmbert tók vítið í uppbótartíma og ætlaði að hlaupa að stúkunni til að fagna meðan aðrir leikmenn Íslands kepptust við að hefja leik sem fyrst að nýju. Hólmbert viðurkennir að hafa gleymt útivallarmarka-reglunni og hélt að framlenging væri handan við hornið.
„Ég gleymdi því í smástund, ég viðurkenni það. Adrenalínið lét mig gleyma þessu," sagði Hólmbert eftir leikinn en viðtalið má sjá í heild sinni í sjónvarpinu hér að ofan.
„Þetta danska lið er hörkulið en við sýndum í dag að við erum hörkugott lið."
Athugasemdir