„Við spiluðum við gott lið, sem vann gegn Hertha Berlin og gerði jafntefli við Athletic Bilbao. Þeir voru stressaðir í byrjun og við nýttum okkur það," sagði Wenger eftir sigurinn.

„Ungu strákarnir stóðu sig mjög vel í riðlakeppninni og þess vegna finnst mér rétt að halda áfram að gefa þeim tækifæri í útsláttarkeppninni."

Wenger mun líklega hvíla lykilmenn í síðari viðureigninni í næstu viku þar sem úrslitaleikur deildabikarsins gegn Manchester City er á sunnudeginum, þremur dögum síðar.

„Það er mikilvægt fyrir okkur að vinna á heimavelli og við munum tefla fram liði sem getur unnið. Við gætum hvílt einhverja lykilmenn."