Hann yfirgaf herbúðir belgíska landsliðsins síðasta sumar vegna ósættir við Tedesco. Courtois var ósáttur þá við að fá ekki fyrirliðabandið hjá Belgíu.

„Ég hef reynt allt til að laga sambandið þannig að hann fari á Evrópumótið í sumar. En það síðasta sem ég heyrði var að hann væri ekki tilbúinn að fara," sagði Tedesco nýverið við fréttamenn.

„Það var alveg ljóst af hans hálfu."

Courtois ákvað að svara landsliðsþjálfaranum á samfélagsmiðlum með því einfaldlega að gefa í skyn að Tedesco væri lygari en samband þeirra er greinilega ekki gott.

Ef Courtois verður ekki með á EM í sumar, þá er líklegt að annað hvort Koen Casteels úr Wolfsburg eða Mats Selz úr Nottingham Forest verði í markinu hjá Belgum.