Topplið Real Madrid mætir til leiks á morgun á útivelli gegn Osasuna, en Real er með sjö stiga forystu sem stendur á meðan Osasuna getur blandað sér í baráttu um evrópusæti með sigri.

Spútnik lið Girona situr í öðru sæti og heimsækir Getafe í spennandi slagi, áður en Athletic Bilbao fær Alavés í heimsókn. Athletic getur klifrað yfir Atlético Madrid og komið sér í meistaradeildarsæti með sigri.

Sevilla byrjar sunnudaginn á fallbaráttuslag gegn Celta Vigo og eiga Villarreal og Valencia svo áhugaverðan slag þar á eftir, en fimm stig skilja liðin að í baráttu um evrópusæti.

Real Betis heimsækir þá Rayo Vallecano áður en Atletico Madrid fær Barcelona í heimsókn í stórleik helgarinnar.

Sex stig skilja liðin að í meistaradeildarbaráttunni, þar sem Barca er í þriðja sæti og Atletico í fjórða.

Börsungar eru átta stigum eftir toppliði Real þegar tíu umferðir eru eftir af deildartímabilinu.

Föstudagur:
20:00 Real Sociedad - Cadiz

Laugardagur:
13:00 Mallorca - Granada CF
15:15 Osasuna - Real Madrid
17:30 Getafe - Girona
20:00 Athletic Bilbao - Alaves

Sunnudagur:
13:00 Sevilla - Celta Vigo
15:15 Las Palmas - Almeria
15:15 Villarreal - Valencia
17:30 Rayo Vallecano - Real Betis
20:00 Atletico Madrid - Barcelona