Viðar Örn Kjartansson spilaði 70 mínútur í dag. Hér er hann fyrir leik.
„Ég er mjög ósáttur með að hafa ekki náð að skora í dag en mér fannst leikurinn góður," var það fyrsta sem Viðar Örn Kjartansson, framherji landsliðsins sagði eftir 2-0 sigur á Möltu í vináttuleik í dag.
Viðar komst í fín færi í leiknum en hann náði ekki að nýta þau. Hann var hins vegar sáttur við að liðið og hann sjálfur voru að skapa færi.
Viðar komst í fín færi í leiknum en hann náði ekki að nýta þau. Hann var hins vegar sáttur við að liðið og hann sjálfur voru að skapa færi.
„Það er oft fyrsta markið sem skiptir máli í svona leik, við náum að skora tvö mörk en áttum að skora mikið fleiri."
„Ég er sáttur við leikinn en við hefðum átt að skora fleiri mörk í dag og þar á meðal ég. Ég var nálægt því og maður er alltaf ánægður þegar maður fær færi, maður þarf að gera aðeins betur," sagði Viðar en þetta var síðasti landsleikur Íslands á árinu.
Viðtalið má sjá í heild sinni hér að ofan.
Athugasemdir
