Darren Anderton spilar með Portsmouth í kvöld.
Portsmouth fær ÍBV í heimsókn á Fratton Park í kvöld en Eyjamenn hafa verið í æfingaferð á Englandi undanfarna daga.
Búið er að selja yfir 7000 miða á leikinn og er reiknað með það seljist einnig nokkur þúsund miðar í dag en þetta kemur fram á eyjamenn.com.
Allur ágóði af leiknum rennur í styrktarsjóð Portsmouth en félagið hefur átt í miklum fjárhagserfiðleikum undanfarin ár.
David James mun leika sinn fyrsta leik með ÍBV í kvöld og þá ætlar Hermann Hreiðarsson þjálfari liðsins að spila í vörninni.
Sky greindi síðan frá því í gær að James og Hermann muni leika síðustu 20 mínútur leiksins með sínum gömlu félögum í Portsmouth.
Darren Anderton, Svetoslav Todorov, Mark Kelly, Linvoy Primus og Vince Hilaire ætla einnig að leika með sínum gömlu félögum í Portsmouth.
Athugasemdir
