Skráningu fer að ljúka í sjö manna utandeildina sem ber nafnið Gulldeildin. Mótið hefur verið gríðarlega vinsælt undanfarin ár og keppendur á ári hverju um 500 talsins í 40 liðum að sumri til og um 250 í 20 liðum að vetri til.
Sumardeildin verður með saman sniði og undanfarin ár. Leikið er 2x25 mínútur á gervigrasvelli Leiknis.
Mótið hefst í byrjun maí og fær hvert lið að meðtaltali 12 leiki.
Leikið er eftir reglum KSÍ um 7 manna-bolta og leikmenn sem leika í efstu- og 1. deild eru ekki löglegir í mótinu. Leikir í deildarkeppninni fara fram í miðri viku en bikarkeppnin er leikin á sunnudögum.
Keppnisgjald í Gulldeildina er krónur 90.000 fyrir liðið og skulu þau lið sem hafa áhuga á að taka þátt senda þátttökutilkynningu á [email protected]. Þar sem kemur fram nafn liðs, tveir tengiliðir, símanúmer og netfang.
Athugasemdir
