Mirror setti saman úrvalslið dýrustu leikmannana og gaf þeim einkunn frá 1-10 fyrir þeirra frammistöðu á tímabilinu.

Markvörður: Claudio Bravo | Man City | £17m
Átti í miklu brasi með að verja skot og missti sæti sitt til Willy Caballero.
Einkunn: 1/10

Hægri vængbakvörður Jordon Ibe | Bournemouth | £15m
Vissulega spilað úr stöðu í þessu úrvalsliði. Bournemouth borgaði metupphæð en Ibe hefur engan veginn staðið undir væntingum eftir að hafa verið spennandi hjá Liverpool.
Einkunn: 2/10

Miðvörður: Eric Bailly | Man United | £32m
Mjög lofandi fyrsta tímabil á Old Trafford þó meiðsli hafi aðeins sett strik í reikninginn.
Einkunn: 7/10

Miðvörður: John Stones | Man City | £47.5m
Afar tæpur fyrri helminginn en hefur leikið mun betur eftir áramót.
Einkunn: 6/10

Miðvörður: Shkodran Mustafi | Arsenal | £35m
Fór afskaplega vel af stað en svo fór að halla verulega undan fæti hjá honum og liðinu.
Einkunn: 6/10

Vinstri vængbakvörður: Marcos Alonso | Chelsea | £24m
Alonso hefur skinið skært á Brúnni
Einkunn: 8/10

Miðjumaður: Paul Pogba | Man United | £89m
Fór hægt af stað en hefur svo sýnt gæði sín betur. Menn vilja samt enn meira frá dýrasta leikmanni heims.
Einkunn: 6/10

Miðjumaður: Granit Xhaka | Arsenal | £35m
Vonast var til þess að hann myndi leysa vandræði á miðsvæðinu. Það gerðist ekki. Hann þarf að vera betri á næsta tímabili.
Einkunn: 5/10

Hægri vængur: Sadio Mane | Liverpool | £34m
Hefur verið Liverpool ákaflega mikilvægur með hraða sínum og krafti. Strax orðinn lykilmaður.
Einkunn: 9/10

Vinstri vængur: Leroy Sane | Man City | £42m
Þessi 21 árs strákur tók nokkrar vikur í að aðlagast en hefur svo verið nánast óstöðvandi.
Einkunn: 9/10

Sóknarmaður: Michy Batshuayi | Chelsea | £33m
Hefur verið meira áberandi á samskiptamiðlum en á fótboltavellinum. Tækifærin af skornum skammti.
Einkunn: 4/10