Chelsea undirbýr 50 milljóna punda tilboð í Danny Rose (27), bakvörð Tottenham Hotspur og enska landsliðsins. Rose gerði stuðningsmenn Tottenham reiða með því að gagnrýna leikmannaviðskipti félagsins og launastefnu. (Sun)

Tottenham hefur náð samkomulagi við varnarmanninn Serge Aurier (24) hjá Paris St-Germain. Aurier var orðaður við Manchester United. (L'Equipe)

Hjá Tottenham eru menn bjartsýnir á að geta krækt í varnarmanninn Davinson Sanchez (21) fyrir 27 milljónir punda. Leikmaðurinn hefur sagt Ajax að hann vilji ekki æfa með liðinu. (Daily Mirror)

Síðustu fyrirspurn Chelsea í vinstri bakvörðinn Alex Sandro (26) hefur verið hafnað af Juventus. (Daily Mail)

Antonio Conte, stjóri Chelsea, vill að brasilíski landsliðsmaðurinn leggi fram beiðni um að vera seldur. Tilboðum Chelsea upp á 52 og 61 milljón punda hefur verið hafnað. (London Evening Standard)

Chelsea hefur beint athygli sinni að varnarmanninum Cedric Soares (25) hjá Southampton. Chelsea stefnir á að fá þrjá leikmenn að minnsta kosti áður en félagaskiptaglugganum verður lokað. (Telegraph)

Alex Oxlade-Chamberlain (24) vill 150 þúsund pund í vikulaun fyrir að ganga í raðir Chelsea frá Arsenal. (Goal)

Chelsea er að reyna að kaupa Andrea Belotti (23), sóknarmann Torino og ítalska landsliðsins, til að koma í stað Diego Costa. (Daily Star)

Arsene Wenger, stjóri Arsenal, segir að félagið muni hafna öllum tilboðum í Alexis Sanchez og Oxlade-Chamberlain og býst við að þeir virði lokaár samnings síns. (Daily Mirror)

Jack Wilshere (25), miðjumaður Arsenal, er á óskalista Championship-liðsins Aston Villa. Wilshere á eitt ár eftir af samningi sínum við Arsenal. (Daily Mail)

Steve Bruce stjóri Aston Villa segir að hann sé rétti maðurinn í starfið. Villa hefur farið hrikalega illa af stað í Championship-deildinni og er aðeins með eitt stig eftir þrjá leiki. Bruce vonast eftir að fá tíma til að snúa genginu við. Landsliðsmaðurinn Birkir Bjarnason spilar fyrir Villa. (BBC)

Liverpool stingur upp á því við Barcelona að fá miðjumanninn Ivan Rakitic (29) í viðræðunum um Philippe Coutinho (25). (Diario Gol)

Franski varnarmaðurinn Eluaquim Mangala (26) fær að fara frá Manchester City til Inter ef ítalska félagið samþykkir að borga 24 milljónir punda fyrir þennan fyrrum leikmann Porto. (Daily Express)

Tilraunir West Ham til að fá William Carvalho (25) frá Sporting Lissabon ganga illa vegna 40 milljóna punda verðmiða leikmannsins. (Sun)

Fulham hafnaði 25 milljóna punda tilboði Tottenham Hotspur í vinstri bakvörðinn Ryan Sessegnon (17). (Telegraph)

Juventus hefur sett Marouane Fellaini (29), miðjumann Manchester United, ofarlega á óskalista sinn. (Sun)

Franski miðjumaðurinn Geoffrey Kondogbia (24) þarf að æfa einn hjá Inter. Samband hans og félagsins er ekki gott en Liverpool og Tottenham hafa áhuga á að fá hann. (Premium Sport)

Marco Silva, stjóri Watford, undirbýr tilboð í sóknarmanninn Islam Slimani (29) hjá Leicester. (Sun)

Mónakó hefur blandað sér í baráttu við Southampton um Luciano Vietto (23), sóknarmann Atletico Madrid. (Marca)

Vængmaðurinn Sheyi Ojo (20) er á leið til Fulham í Championship-deildinni á lánssamningi frá Liverpool. (London Evening Standard)

Max Gradel (29), miðjumaður Bournemouth, er á leið til Toulouse á eins árs lánssamningi. (Sky Sports)

Southampton mun gera 15 milljóna punda tilboð í hollenska varnarmanninn Wesley Hoedt hjá Lazio ef Virgil van Dijk yfirgefur félagið áður en sumarglugganum verður lokað. (Daily Express)