Ekki vildi betur til en svo að við það féll hann niður úr stúkunni sem er nokkuð hátt fall og lenti beint niðri á stéttinni við rampinn sem leikmenn ganga niður.

Sjúkralið var fljótt á staðinn sem og lögregla og gerði að meiðslum hans áður en leikurinn gat hafist.

„Ég spenntist allur upp og öskraði á hjálp. Meira gat ég ekki gert. Ég hélt í smástund að hann væri bara dáinn. Þetta var bara eins og í bíómynd þar sem blóðið lak eftir jörðinni frá höfðinu,“ sagði Jón Ragnar við Vísi.

Stuðningsmaðurinn á erfitt með að tala í dag og getur illa haft augun opin. Hann er kinnbeinsbrotinn, kjálkabrotinn, höfuðkúpubrotinn og nefbrotinn auk þess sem nokkrar tennur brotnuðu.