Jonny Evans er einn þeirra sem grunaðir eru um að hafa stolið leigubíl á Spáni í æfingaferð botnliðs West Bromwich Albion.
Alan Pardew, knattspyrnustjóri liðsins, hefur í framhaldi af því ákveðið að taka fyrirliðabandið af Jonny Evans.
Jonny Evans byrjaði þó inn á, rétt eins og Gareth Barry sem tók einnig þátt í að stela leigubílnum.
Pardew segist þó enn standa með leikmönnunum sínum en sagði þá ákvörðun að taka bandið af Evans vera yfirlýsingu.
West Brom, sem sló Liverpool út í síðustu umferð, er nú úr bikarnum eftir að hafa tapað gegn Southampton og getur einbeitt sér að deildinni þar sem liðið situr í neðsta sæti.
Athugasemdir