Það var einn leikur í Lengjubikar kvenna í kvöld. Keflavík og Selfoss áttust við í Reykjaneshöllinni, en þessi leikur var í B-deild.

Bæði þessi lið munu leika í 1. deild kvenna í sumar og því var um áhugaverðan slag að ræða. Keflavík var nálægt því að komast upp síðasta sumar á meðan Selfoss féll úr Pepsi-deildinni.

Það fór þannig í kvöld að Keflavík hafði betur. Sólveig Lind Magnúsdóttir kom Keflvíkingum yfir rétt fyrir leikhlé og hin stórefnilega Sveindís Jane Jónsdóttir setti annað markið undir lokin.

Lokatölur urðu 2-0, en Keflavík er með sex stig í öðru sæti B-deildar. Selfoss er án stiga á botninum.

Markaskorarar af urslit.net