Þrjár umferðir eru búnar af Pepsi-deildinni í fótbolta og óhætt að segja að deildin fari skemmtilega af stað. Fótbolti.net birtir hér lista yfir tíu leikmenns sem hefja tímabilið mjög vel og ef þeir ná að halda flugi eiga möguleika á að vera leikmaður ársins 2017.
Daníel Laxdal (Stjarnan) - Hrikalega mikilvægur í liði Stjörnunnar. Miðvörðurinn er afar oft réttur maður á réttum stað.
Davíð Þór Viðarsson (FH) - Hinn fullkomni fyrirliði. Leiðtogi í frábæru liði FH.
Dion Acoff (Valur) - Ógnar sífellt með leifturhraða sínum og krafti. Martröð bakvarðarins. Þvílík kaup hjá Val!
Guðmann Þórisson (KA) - Klettur í vörn Akureyringa og setur gott fordæmi í baráttuanda liðsins.
Hallgrímur Mar Steingrímsson (KA) - Rosalegt vopn í sóknarleik KA. Í liði umferðarinnar allar þrjár fyrstu umferðirnar.
Haukur Páll Sigurðsson (Valur) - Fyrirliði í einu skemmtilegasta liði landsins. Afskaplega mikilvægur á miðjunni.
Hilmar Árni Halldórsson (Stjarnan) - Breiðhyltingurinn er stórkostlegur leikmaður og stoðsendingavél.
Óskar Örn Hauksson (KR) - Það er hrein unun að horfa á Óskar Örn spila fótbolta. Leikmaður sem allir andstæðingar leggja upp með að stöðva.
Skúli Jón Friðgeirsson (KR) - Miðvörðurinn öflugi fer vel af stað og er þegar búinn að skora sitt fyrsta mark.
Steven Lennon (FH) - Er í geggjuðu formi og strax kominn með fimm mörk. Sjálfstraustið í hæstu hæðum.
Athugasemdir
