Heimir Hallgrímsson, landsliðsþjálfari Íslands var léttur í bragði eftir æfingu landsliðsins í Gelendzhik í morgun.
Á æfingunni æfðu þeir leikmenn sem lítið eða ekkert spiluðu í jafnteflinu gegn Argentínu í gærkvöldi í Moskvu.
Á æfingunni æfðu þeir leikmenn sem lítið eða ekkert spiluðu í jafnteflinu gegn Argentínu í gærkvöldi í Moskvu.
Heimir var hrikalega ánægður með varnarleik íslenska liðsins í leiknum í gær.
„Ég náði nú bara að horfa á fyrri hálfleikinn í flugvélinni. Þetta var góður leikur á margan hátt hjá okkur. Ég er hrikalega sáttur með varnarleikinn hjá okkur, einbeitinguna og agann. Þegar maður hugsar til baka við hverja við vorum að spila, einstaklingsgæðin í þessu liði. Hvernig við vörðumst er algjörlega til fyrirmyndar. Þessi leikur er kennslubókardæmi um það hvernig þú átt að verjast gegn góðu liði, liði sem er stútfullt af hæfileikaríkum leikmönnum. Bæði einn á móti einum og líka hjálpar vörn," sagði Heimir og hélt áfram.
„Þú mátt ekki missa aga eða einbeitingu í eina sekúndu og mér fannst við gera þetta hrikalega vel í gær."
Viðtalið í heild sinni við Heimi má sjá í sjónvarpinu hér að ofan.
Athugasemdir