Í dag er svo sannarlega nóg um að vera!

Það eru þrír leikir í Pepsi-deild kvenna, en með þessum leikjum lýkur 13. umferð deildarinnar. Botnlið Hauka fær topplið Þór/KA í heimsókn og það verður áhugaverð viðureign.

ÍBV og Grindavík mættust í undanúrslitum í bikar á dögunum og þar hafði ÍBV betur eftir vítaspyrnukeppni. Í kvöld mætast þessi lið aftur í Vestmannaeyjum. Það er svo stórleikur á Samsung vellinum í Garðabæ þar sem Stjarnan og Valur eigast við.

Það eru tveir hörkuleikir í Inkasso-deildinni, Selfoss mætir Leikni R. og ÍR og Grótta eigast við í fallbaráttuslag.

Það er botnslagur í 3. deild karla og svo eru fimm leikir í 4. deildinni þar línur eru farnar að skýrast mjög.