Gylfi og Alfreð fagna marki gegn Finnlandi árið 2016. Alfreð jafnaði leikinn á 90. mínútu eftir stoðsendingu Gylfa og Raggi Sig tryggði svo sigur í uppbótartíma.
Þekkjandi hann þá vill hann alltaf meira.
Gylfi Þór Sigurðsson samdi við Val í síðustu viku og er að snúa aftur á völlinn en hann hefur ekki spilað síðan í nóvember. Þrátt fyrir það var hann mjög svekktur að vera ekki í landsliðinu sem nú er samankomið í Búdapest og undirbýr sig fyrir umspilsleik gegn Ísrael.
Alfreð Finnbogason var til viðtals á landsliðsæfingunni í dag og var hann spurður út í Gylfa.
Alfreð Finnbogason var til viðtals á landsliðsæfingunni í dag og var hann spurður út í Gylfa.
„Ef Gylfi er að spila í hverri viku er hann klárlega leikmaður sem nýtist landsliðinu. Ég held að það sé engin umræða," sagði Alfreð
„Þekkjandi hann þá vill hann alltaf meira. Hann á rétt á sínum tilfinningum. Ég leyfi öðrum að dæma um hvort þær séu sanngjarnar eða ekki. Það er hans karakter að vilja alltaf meira og fara hundrað prósent í það sem hann gerir. Þess vegna hefur hann átt svona farsælan feril. Vonandi kemst hann af stað með Val og fer svo að nýtast landsliðinu þegar hann er kominn í toppstand," bætti framherjinn við.
Gylfi gæti spilað sinn fyrsta leik með Val þegar liðið mætir ÍA í undanúrslitum Lengjubikarsins á miðvikudag. Leikur Íslands og Ísraels fer svo fram á fimmtudag.
Athugasemdir
