Adarabioyo hefur átt flott tímabil með Fulham en hann verður samningslaus í sumar.

Þessi 26 ára gamli miðvörður hefur meðal annars verið orðaður við Liverpool en Silva vonast til að halda honum í herbúðum Fulham.

„Ég myndi elska það," segir Silva. „Það eru þrír lykilmenn hjá okkur að verða samningslausir; hann, Bobby (De Cordova-)Reid og Kenny (Tete). Þetta eru þrír leikmenn sem við viljum halda hjá félaginu."

„Tosin er gríðarlega mikilvægur. Auðvitað höfum við verið að reyna að framlengja við hann. Vonandi fáum við fréttir af honum fljótlega."