Franski sóknarmaðurinn Antoine Griezmann verður ekki með franska landsliðinu í landsleikjahlénu og missir því af æfingalandsleikjum gegn Þýskalandi og Síle.
Þetta verða fyrstu landsleikir sem Griezmann missir af í sjö og hálft ár, eða síðan í nóvember 2016.
Griezmann hefur tekið þátt í síðustu 84 landsleikjum Frakklands í röð frá árinu 2016, en í heildina á hann 44 mörk og 38 stoðsendingar í 127 landsleikjum.
Griezmann var á sínum stað þegar Frakkland vann HM 2018, Þjóðadeildina 2021 og endaði svo í öðru sæti á HM 2022.
Fyrir það var Griezmann einnig í fullu fjöri með Frökkum og endaði sem markahæsti leikmaður mótsins á EM 2016. Griezmann var valinn besti leikmaður mótsins þrátt fyrir að Frakkar hafi endað í öðru sæti.
Griezmann spilaði seinni hálfleikinn í 0-3 tapi Atlético Madrid gegn Barcelona í spænsku deildinni í gærkvöldi.
Athugasemdir