Niko Kovac var rekinn frá Wolfsburg í gær. Króatanum tókst einungis að ná í sex stig af 30 mögulegum í síðustu tíu leikjum liðsins. Liðið situr í fjórtánda sæti þýsku deildarinnar.

Wolfsburg tapaði á heimavelli gegn Augsburg á laugardag og fyllti það tap mælinn hjá forráðarmönnum Wolfsburg.

Núna er Hasenhuttl tekinn við liðinu en hann stýrði síðast Southampton á Englandi. Hann hefur verið án félags frá því hann yfirgaf Dýrlingana í nóvember árið 2022.

Hasenhuttl er með mikla reynslu frá Þýskalandi en hann hefur stýrt RB Leipzig, Ingolfstadt, VfR Aalen og Unterhaching þar í landi.