KSÍ barst samvæmt upplýsingum Fótbolta.net 36 umsóknir fyrir starf framkvæmdastjóra sambandsins en umsóknarfrestur rann út þann 6. mars síðastliðinn.
Klara Bjartmarz sem hefur gegnt starfinu í fjölda ára hætti um síðustu mánaðarmót.
Jörundur Áki Sveinsson er starfandi framkvæmdastjóri en hann starfar einnig sem yfirmaður fótboltamála hjá sambandinu.
Jörundur Áki segir í skriflegu svari við Fótbolta.net að ráðningarferlið sé hafið en það sé ekki verið að vinna með lokadagsetningu hvenær skal vera búið að ráða í starfið.
Það verður afar fróðlegt að sjá hver mun taka þetta mikilvæga starf að sér.
Rætt var um starfið í útvarpsþættinum Fótbolti.net en hægt er að hlusta á þáttinn í heild sinni hér fyrir neðan.
Athugasemdir