Age Hareide tilkynnti á föstudaginn landsliðshóp Íslands fyrir umspilsleikinn gegn Ísrael sem leikinn verður á fimmtudag. Sigur þar og Ísland kemst í hreinan úrslitaleik gegn Úkraínu eða Bosníu um sæti á EM.
Fótbolti.net tekur hér saman hvernig hefur verið að ganga hjá þeim leikmönnum sem eru í hópnum en upplýsingar eru fengnar frá Transfermarkt.
Fótbolti.net tekur hér saman hvernig hefur verið að ganga hjá þeim leikmönnum sem eru í hópnum en upplýsingar eru fengnar frá Transfermarkt.
Markverðir:
Elías Rafn Ólafsson - Mafra - 6 leikir
Er á láni frá Midtjylland og spilar alla leiki Mafra sem er um miðja portúgölsku B-deildina.
Hákon Rafn Valdimarsson - Brentford - 7 leikir
Gekk í raðir enska úrvalsdeildarfélagsins Brentford í janúar. Varði mark Íslands í janúarverkefninu en hefur síðan aðeins leikið einn leik og það var með Brentford B.
Patrik Sigurður Gunnarsson - Viking - 4 leikir
Norska úrvalsdeildin fer af stað um mánaðamótin.
18.03.2024 09:59
Ísland hefur æfingar í Búdapest í dag - Mikilvægasti leikur strákanna okkar síðan 2019
Varnarmenn:
Guðmundur Þórarinsson - OFI Crete - 13 leikir
Hefur verið fastamaður í vinstri bakvarðarstöðunni hjá Crete sem er um miðja deild í grísku úrvalsdeildinni. Hefur skorað tvö mörk og átt eina stoðsendingu í deildinni.
Kolbeinn Finnsson - Lyngby - 9 leikir
Byrjunarliðsmaður hjá Lyngby og er kominn með tvö mörk og tvær stoðseningar í dönsku úrvalsdeildinni á tímabilinu.
Daníel Leó Grétarsson - Sönderjyske - 15 leikir
Leikur alla leiki í hjarta varnarinnar hjá Sönderjyske í dönsku B-deildinni en liðið situr í öðru sæti.
Sverrir Ingi Ingason - Midtjylland - 47 leikir, 3 mörk
Lykilmaður og leiðtogi í miðverðinum í liði Midtjylland sem trónir á toppi dönsku úrvalsdeildarinnar. Hefur verið með fyrirliðabandið í síðustu leikjum.
Hjörtur Hermannsson - Pisa - 27 leikir, 1 mark
Fær ekki margar mínútur í ítölsku B-deildinni en hefur komið við sögu í tólf deildarleikjum á tímabilinu. Hefur verið ónotaður varamaður í síðustu leikjum.
Guðlaugur Victor Pálsson - Eupen - 42 leikir, 1 mark
Fastamaður sem miðvörður hjá Eupen sem er í harðri fallbaráttu í belgísku úrvalsdeildinni. Er varafyrirliði liðsins.
Alfons Sampsted - Twente - 21 leikur
Var fastamaður í byrjunarliðinu fyrir áramót en er kominn á bekkinn og hefur verið ónotaður varamaður í sjö af síðustu tíu deildarleikjum Twente sem er í þriðja sæti belgísku úrvalsdeildinni.
15.03.2024 17:26
Stefán Teitur til taks ef eitthvað gerist um helgina
Miðjumenn:
Jóhann Berg Guðmundsson - Burnley - 90 leikir, 8 mörk
Leikið 20 leiki í ensku úrvalsdeildinni á tímabilinu og er með tvær stoðsendingar. Var ónotaður varamaður gegn Brentford um helgina og byrjað sem varamaður í síðustu þremur leikjum Burnley sem er í fallsæti.
Ísak Bergmann Jóhannesson - Düsseldorf - 24 leikir, 3 mörk
Fastamaður á miðjunni í byrjunarliði Dusseldorf sem er í fjórða sæti þýsku B-deildarinnar. Er kominn með tvö mörk og fimm stoðsendingar í deildinni á þessu tímabili.
Arnór Ingvi Traustason - Norrköping - 54 leikir, 5 mörk
Sænska deildin er ekki farin af stað en síðasta mánuðinn hefur Arnór leikið tvo bikarleiki.
Hákon Arnar Haraldsson - Lille - 15 leikir, 3 mörk
Hefur unnið sér inn byrjunarliðssæti hjá Lille og verið að spila á vinstri vængnum undanfarna leiki. Er með eitt mark í átján leikjum í frönsku deildinni, þrjú mörk í tveimur bikarleikjum og þrjár stoðsendingar í sex Sambandsdeildarleikjum. Lille er í fjórða sæti frönsku deildarinnar.
Kristian Hlynsson - Ajax - 1 leikur
Hefur verið fastamaður í hollenska stórliðinu og hlotið verðskuldað lof. Er með sex mörk í 22 deildarleikjum fyrir Ajax sem situr í fimmta sæti.
Jón Dagur Þorsteinsson - OH Leuven - 33 leikir, 4 mörk
Fastamaður í byrjunarliði OH Leuven og hefur skorað fjögur mörk og átt fimm stoðsendingar í 28 leikjum. Liðið er markatölunni frá því að vera í fallsvæðinu í belgísku úrvalsdeildinni.
Mikael Egill Ellertsson - Venezia - 14 leikir, 1 mark
Hefur verið inn og út úr byrjunarliði Venezia á tímabilinu en byrjað þrjá af fjórum síðustu deildarleikjum. Er með tvö mörk og fjórar stoðsendingar í ítölsku B-deildinni þar sem Feneyjaliðið er í öðru sæti.
Mikael Anderson - AGF - 24 leikir, 2 mörk
Með eitt mark og þrjár stoðsendingar í 20 leikjum í dönsku úrvalsdeildinni og hefur spilað á vinstri vængnum að undanförnu. AGF er í fimmta sæti dönsku úrvalsdeildarinnar.
Arnór Sigurðsson - Blackburn - 30 leikir, 2 mörk
Með sjö mörk og fjórar stoðsendingar í 34 leikjum í deild og bikarkeppnum fyrir lið Blackburn Rovers sem situr í fimmta sæti ensku Championship-deildarinnar.
Willum Þór Willumsson - Go Ahead Eagles - 8 leikir
Með sex mörk og tvær stoðsendingar í 24 deildarleikjum fyrir Go Ahead Eagles sem situr í sjöunda sæti hollensku úrvalsdeildarinnar. Fastamaður sem sóknarmiðjumaður.
15.03.2024 18:46
„Ef við förum alla leið í vítaspyrnukeppni þá mun Alfreð taka eina af spyrnunum"
Framherjar:
Orri Steinn Óskarsson - FCK - 6 leikir, 2 mörk
Með þrjú mörk og fimm stoðsendingar í sautján deildarleikjum og átti frábæra stoðsendingu gegn Manchester City í Meistaradeildinni nýlega. Hefur byrjað síðustu tvo deildarleiki eftir að hafa verið úti í kuldanum.
Andri Lucas Guðjohnsen - Lyngby - 20 leikir, 6 mörk
Skoraði í langþráðum 2-0 sigri Lyngby gegn Viborg um helgina og er kominn með átta mörk í átján leikjum í dönsku úrvalsdeildinni. Íslendingalið Lyngby situr í áttunda sæti.
Alfreð Finnbogason - Eupen - 73 leikir, 18 mörk
Sóknarmaðurinn reynslumikli hefur verið að koma inn af bekknum hjá Eupen. Er með eitt mark og þrjár stoðsendingar í 27 deildarleikjum á tímabilinu.
Albert Guðmundsson - Genoa - 35 leikir, 6 mörk
Orðaður við stórlið vegna frábærrar frammistöðu með Genoa í ítölsku A-deildinni þar sem hann hefur skorað tíu mörk og átt þrjár stoðsendingar í 27 leikjum. Genoa er í tólfta sæti.
Athugasemdir