Þegar tvær umferðir eru eftir í Pepsi-deild karla bendir allt til þess að ÍA sé á leið niður í Inkasso-deildina. Tímabilið hefur verið erfitt hjá Skagamönnum sem eru í botnsæti Pepsi-deildarinnar með 15 stig.
Stjórn knattspyrnufélags ÍA, KFÍA, hefur ákveðið að setja á laggirnar meistaraflokksráð karla fyrir komandi ár. Mörg félög á Íslandi eru með sérstök meistaraflokksráð en það hefur ekki verið til staðar hjá ÍA.
Í nýja meistaraflokksráðinu eru meðal annars fyrrum atvinnu og landsliðsmennirnir Haraldur Ingólfsson, Stefán Þór Þórðarson og Þórður Guðjónsson eins og sjá má hér að neðan.
Stjórn knattspyrnufélags ÍA, KFÍA, hefur ákveðið að setja á laggirnar meistaraflokksráð karla fyrir komandi ár. Mörg félög á Íslandi eru með sérstök meistaraflokksráð en það hefur ekki verið til staðar hjá ÍA.
Í nýja meistaraflokksráðinu eru meðal annars fyrrum atvinnu og landsliðsmennirnir Haraldur Ingólfsson, Stefán Þór Þórðarson og Þórður Guðjónsson eins og sjá má hér að neðan.
Yfirlýsing á heimasíðu ÍA
Kæru stuðningsmenn,
Gengi meistaraflokks karla hefur ekki verið samkvæmt væntingum í sumar og staða félagsins í Pepsi-deildinni er erfið. Á sama tíma erum við með ungt og efnilegt lið sem hefur gríðarlega mikinn metnað til að gera góða hluti á komandi árum.
Til að styrkja bakland meistaraflokks karla hefur aðalstjórn knattspyrnufélags ÍA (KFÍA) ákveðið setja á laggirnar meistaraflokksráð karla. Hlutverk ráðsins er að eiga reglubundin samskipti við þjálfara meistaraflokks karla og 2. flokk karla um markmið og árangur. Hafa ráðgefandi hlutverk í leikmannamálum og þjálfaramálum. Einnig verður hlutverk ráðsins að stuðla að því að gildi KFÍA verði í hávegum höfð en þau eru; Metnaður – Vinnusemi – Þrautseigja – Virðing – Agi. Aðalstjórn KFÍA hefur fengið reynslumikla einstaklinga til að taka þátt í starfi meistaraflokksráðs en allt eru þetta fyrrverandi leikmenn meistaraflokks með mikla reynslu að baki m.a. sem atvinnumenn í erlendum liðum. Þetta eru Viktor Elvar Viktorsson formaður en hann situr jafnframt í aðalstjórn KFÍA, Haraldur Ingólfsson, Sigurður Sigursteinsson, Stefán Þór Þórðarson og Þórður Guðjónsson.
Meistaraflokksráð mun vera aðalstjórn ráðgefandi í ofantöldum málum og styðja við þjálfarateymi og leikmenn meistaraflokks karla. Vonandi er þetta fyrsta skrefið í að KFÍA standi að nýju undir því heiti að vera stórveldi í íslenskum fótbolta.
Athugasemdir