Heimild: Sporting Life
Manchester United kemur ekki sérlega vel út úr landsleikjahléinu að þessu sinni því Anthony Martial landsliðsmaður Frakka yfirgaf Wembley á hækjum í gær í lok 2-0 taps gegn Englendingum.
Michael Carrick miðjumaður United var borinn af velli þegar England mætti Spánverjum í síðustu viku meiddur á ökkla og svo bættust meiðsli Martial við í gær.
Antoine Griezmann leysti stöðu Martial á vellinum eftir rúmlega klukkutíma leik í gær.
Eftir leik sást Martial haltra um á hækjum á viðtalasvæðinu og fóturinn var í miklum umbúðum.
Hann sló í gegn eftira ð hafa komið frá Monaco í fyrrasumar og hefur skorað fimm mörk fyrir Manchester United.
„Hann var mikið verkjaður eftir leikinn eftir atvik í teignum," sagði Didier Deschamps landsliðsþjálfari Frakka um þennan 19 ára framherja. „Þetta var högg ofarlega á fæti hans."
Athugasemdir