Sebastian Giovinco fer frítt til Toronto FC þegar samningur hans við Juventus rennur út í sumar.
Giovinco er 27 ára gamall og var eftirsóttur af liðum á borð við Arsenal og Lyon en valdi MLS deildina.
Giovinco er 27 ára gamall og var eftirsóttur af liðum á borð við Arsenal og Lyon en valdi MLS deildina.
Jozy Altidore var fenginn til Toronto í síðustu viku og eru allir innan félagsins gríðarlega spenntir fyrir nýju leikmönnunum.
,,Þetta er stórt skref fyrir félagið að bæta leikmanni á borð við Sebastian Giovinco við hópinn," sagði Michael Bradley, miðjumaður Toronto, sem var leikmaður Roma og mætti Giovinco reglulega í keppnisleikjum.
,,Í Giovinco finnum við frábæran leikstjórnanda og gríðarlega hæfileikaríkan leikmann."
Giovinco spilar yfirleitt sem kantmaður eða sóknartengiliður og er þekktur fyrir hraða sinn og tækni.
Athugasemdir