Á morgun hefst formlegur undirbúningur íslenska landsliðsins fyrir leikinn mikilvæga gegn Kosóvó næsta föstudag. Hópurinn kemur allur saman á morgun og mun æfa í þrjá daga í Parma á Ítalíu.
Miðverðirnir Ragnar Sigurðsson og Kári Árnason, sem hafa verið lykilmenn, hafa ekkert spilað síðustu vikur. Kári missti af fimmta deildarleik Omonia í Kýpur í röð þegar liðið vann Anorthosis 2-0 í gær. Kári brákaði rifbein og hefur því ekki getað spilað.
Ragnar var ekki í hópnum hjá Fulham sem tapaði 1-3 fyrir Wolves. Ragnar hefur verið úti í kuldanum hjá félaginu og ekki spilað í síðustu sjö leikjum.
Arnór Ingvi Traustason fór meiddur af velli í Austurríki í gær en ekki hafa frekari fréttir borist af hans málum.
Rúrik Gíslason var valinn í landsliðshópinn í fyrsta sinn í langan tíma. Lið hans, Nurnberg, mætir Union Berlín í þýsku B-deildinni á morgun en Rúrik missir af þeim leik.
KSÍ hefur rétt á að fá hann í sínar hendur á morgun og nýtti sér þann rétt, þetta kemur fram á mbl.is.
Margir landsliðsmenn leika með félagsliðum sínum í dag.
Sjá einnig:
Landsliðshringborð úr útvarpsþættinum
Landsliðshópurinn
Athugasemdir