Bruno Fernandes er í portúgalska landsliðshópnum sem mætir Svíþjóð og Slóveníu í æfingalandsleikjum í landsleikjahlénu.
Miðjumaðurinn ungi Joao Neves var einnig valinn í landsliðshópinn, en hann er aðeins 19 ára gamall og á nú þegar þrjá A-landsleiki að baki.
Hann er mikilvægur hlekkur í sterku liði Benfica og er núna partur af einu af gæðamestu landsliðum heimsfótboltans.
Manchester United hefur verið orðað við Neves og vonast Fernandes til að samlandi sinn skipti yfir í enska boltann.
„Ég veit ekki hvort orðrómurinn sé sannur um að Man United vilji kaupa hann, en ég veit að hann er tilbúinn fyrir stóra stökkið," sagði Fernandes þegar hann var spurður út í orðróminn í Portúgal.
„Hann er frábær leikmaður og er nú þegar kominn í A-landsliðið. Það er önnur ástæða fyrir því að stóru félögin hafa áhuga á honum."
Athugasemdir
