Matthías Vilhjálmsson bjargaði Rosenborg í kvöld.

Norsku meistararnir mættu FH-bönunum í Dundalk í forkeppni Meistardeildarinnar í kvöld, en fyrri leikurinn í Írlandi endaði 1-1.

Matthías, sem hefur átt magnað tímabil með Rosenborg, var á bekknum í kvöld, annan leikinn í röð.

Þjálfari Rosenborg ákvað að byrja frekar með Nicklas Bendtner, en í kvöld var það Matthías sem reyndist hetjan.

Matti kom inn á sem varamaður á 72. mínútu, en þá var staðan 1-1. Leikurinn endaði þannig og fór því í framlenginu.

Í framlengingunni skoraði síðan Matthías sigurmarkið, 2-1.

Rosenborg mætir að öllum líkindum Celtic í næstu umferð.

MAAAAATTHIAS!! 98 minutter! Header RBK i føringen på Lerkendal! pic.twitter.com/JH9pLfQHnN

— Rosenborg Ballklub (@RBKfotball) July 19, 2017