Rúnar Páll hefur legið yfir Inter liðinu undanfarna daga en hann segir liðið ekki spila eins og fyrri andstæðingar Stjörnunnar í Evrópudeildinni.

,,Þeir halda boltanum vel og annað slíkt en eru ekki eins direct í sóknarleik og Lech Poznan og Motherwell."

,,Þeir eru ekki að tvöfalda mikið á köntunum eins og við höfum lent í. Þeir halda boltanum á miðjunni og spila með demantmiðju en við teljum að við getum ráðið ágætlega við það með okkar varnarleik."

,,Ég sé hellings möguleika á morgun. Ég hef bullandi trú á okkar liði í þessum leik. Við spilum góðan vörn og erum agaðir í okkar varnarleik. Það er erfitt að brjóta okkur á bak aftur og ég reikna ekki með að Inter sjái margar holur á morgun."

Uppselt varð á leikinn í síðustu viku. ,,Það verður brjáluð stemning. Það verður mikið af fólki og góður stuðnigur frá Silfurskeiðinni og öðru fólki."

Hér að ofan má sjá viðtalið í heild sinni.