Heimild: Sky
Arsene Wenger, knattspyrnustjóri Arsenal, segist ekki vera stressaður yfir samningum Mesut Özil og Alexis Sanchez, sem renna báðir út sumarið 2018.
Fjölmiðlar greindu frá því á dögunum að Alexis væri við það að fá nýjan fimm ára samning og gríðarlega launahækkun hjá Arsenal vegna áhuga frá Manchester United.
Fjölmiðlar greindu frá því á dögunum að Alexis væri við það að fá nýjan fimm ára samning og gríðarlega launahækkun hjá Arsenal vegna áhuga frá Manchester United.
Svipaðar sögur voru sagðar af Özil fyrr í vikunni en Wenger virðist vera fullviss um að stórstjörnurnar verði áfram hjá félaginu.
„Við erum hvorki byrjaðir í samningsviðræðum við Mesut Özil né Alexis Sanchez," sagði Wenger á fréttamannafundi.
„Um áramótin eiga þeir báðir tvö og hálft ár eftir af samningum sínum. Við höfum tíma til að semja, þannig okkur liggur ekki á. Við viljum ólmir halda þeim hjá félaginu og munum hefja samningsviðræður á einhverjum tímapunkti."
Athugasemdir