Bandaríski framherjinn Anthony Powell sem áætlað var að myndi spila með Þór Akureyri í Inkasso deildinni í sumar fékk ekki atvinnuleyfi hér á landi.

Hann mun því ekki spila með liðinu í sumar. Anthony lék þrjá leiki með Þór á undirbúningstímabilinu í vetur og skoraði í þeim fjögur mörk.

Leikmaðurinn hefur nú þegar fundið sér nýtt félag en hann mun spila í Costa Rica á næsta tímabili.

Þetta er annað áfallið sem Þórsarar verða fyrir á stuttum tíma en á dögunum varð ljóst að varnarmaðurinn Admir Kubat sem kom til félagsins frá Þrótti Vogum verði ekki með í sumar vegna meiðsla.